راجع بشوقى اليك ضمينى ومتفليش يامه ف وشى الباب
ارخى جريد نخلك وغطينى دا الغربه ليل قاسى على الاغراب
مجروح ومحتاجلك تداوينى كم جرح قبلى مسو نيلك طاب
من بعد طول اتوهه دلينى وحشانى يامه لمة الاحباب
مشتاق قوى للناى للارغول مشتاق لايام الصبا جنبك
دا كنت اضم الراديو لما يقول اسمك واغمض عينى احلم بك
دانت الحقيقه الباقيه طول المدى
وانت اكتمال البدر لما بدى
الدنيا شابت وانت لسه شباب
راجع بعزة نفس جوايا راحع لعزوة ناس اوفى ناس
لسه قنايتك يامه روايه ولسه حاضن بين ايديا الفاس
يكفينى حبة قمح من خيرك ولا الف كيله من غيطان غيرك
يكفينى اعود اليك وانا طيرك عاد من بعد ماتاب
الرئيسية 